काल पाहीले मी स्वप्न गडे
भारतीय संगीताचा हा महासागर ! त्यातील भागसंगीत म्हणून ओळखला जाणारा एक भाग ! या भागातील, भावसंगीतातील दीपस्तंभ असलेले मंगेशकर कुटुंब आणि त्यातील ही भावंड म्हणजे त्यावरील वेगवेगळे दीप ! कोणता महत्वाचा आणि कोणता चांगला, काय सांगणार ? सर्वच दीप प्रकाश देणारे, मार्ग दर्शविणारे व उजळविणार !
काल संध्याकाळी जळगांवहून येतांना अचानक एक गीत आठवले, मनांत गुणगुणू लागलो. योगेश्वर अभ्यंकर यांचे हे गीत ! अत्यंत सोप्या शब्दात आपल्या भावना, स्वप्नांत पाहिलेल्या प्रसंगातील अपेक्षा, व्यक्त करणारी तरूणी ! प्रत्यक्ष गाण्यास कठीण, पण ऐकतांना गायला अत्यंत सोपे आहे असे वाटेल, असे संगीत देणारे श्रीनिवास खळे ! आणि आवाजाला कसलीही मर्यादा नसलेली किंवा जिचा आवाज कसलीही मर्यादा मानत नाही, असे स्वरांची जन्मजात आणि अमर्याद देणगी मिळालेली गायिका, मंगेशकर कुटुंबातील एक दीप - आशा भोसले !
गौड सारंग हा राग ! नांवाप्रमाणेच कानाला गोड वाटणारा, ह्रदयाला साद घालणारा ! कल्याण थाटातील ! सर्व स्वर यांत उपयोगात आणतात. दोन्ही मध्यमांचा अप्रतिम उपयोग आणि वापर ! विशिष्ट स्वर म्हणजे गंधार वादी व धैवत संवादी यांचा जो सुरेख वापर केला जातो त्याने आपल्याला गौड सारंग पटकन ओळखता येतो.
काल पाहीले मी स्वप्न गडे
नयनी मोहरली ग आशा
बाळ चिमुकले खुदकन हसले
मी ही हसले हसली आशा
काल पाहीले मी स्वप्न गडे
बाळ चिमुकले खुदकन हसले
मी ही हसले हसली आशा
काल पाहीले मी स्वप्न गडे
भाग्यवतीचे भाग्य उजळले
कोणीतरी ग मला चिडविले
आणि लाजले, हळूच वदले
रंग सावळा तो कृष्ण गडे
कोणीतरी ग मला चिडविले
आणि लाजले, हळूच वदले
रंग सावळा तो कृष्ण गडे
इवली जिवणी इवले डोळे
भुरूभुरू उडती केसही कुरळे
रूणुझुणू रूणुझुणू वाजती वाळे
स्वप्नी ऐकते तो नाद गडे
भुरूभुरू उडती केसही कुरळे
रूणुझुणू रूणुझुणू वाजती वाळे
स्वप्नी ऐकते तो नाद गडे
https://www.youtube.com/watch?v=SzdWZ1c4s3o&feature=share
No comments:
Post a Comment