मकर-संक्रांत परवा आहे.

मकर-संक्रांत परवा आहे. उद्या मकर संक्रांतीचा आदला दिवस असल्याने भोगी आहे.

आपल्याला कल्पना आहे, सर्व महिलावर्ग संक्रांतीच्या हळदीकुंकवाचे कार्यक्रम मोठ्या उत्साहाने, संक्रांतीपासून ते थेट माघ शुद्ध ७ पर्यंत, म्हणजे 'रथ सप्तमी' पर्यंत साजरे करीत असतात. त्यासाठी त्या अगदी आवर्जून, समोर का होईना, पण 'गोडगोड' (काही जण याला ‘गोग्गोड’ पण म्हणतात) बोलत असतात.

मी आपला, सकाळी जरा स्नान वगैरे झाल्यावर, वातावरण व वेळ पाहून, नम्रपणे एक साधा प्रस्ताव ठेवला, फार विस्तीर्ण व विस्तृत क्षेत्रासाठी नाही; तर तो पण अगदी मर्यादीत क्षेत्रात, फक्त घरापुरताच मर्यादीत ! प्रस्ताव पण अगदी-अगदी गोड भाषेत (संक्रांत लागलेली नसतांना देखील), आणि घाबरत-घाबरत ठेवला की - आपण संक्रांत ते रथ सप्तमी पावेतो तरी निदान 'गोडगोड बोला' हे पथ्य पाळावे. विचार करायला पण पुरेसा वेळ दिलेला आहे.

-- यावर अजून तरी काहीही उत्तर उत्तर आलेले नाही. उत्तर येते का येत नाही, संक्रांत जाणे ! मी रथ सप्तमी पर्यंत वाट पहायला तत्वतः तयार आहे.

13.1.2020