नविन अभ्यासक्रम 'भारतीय राजकारण'

नविन अभ्यासक्रम 'भारतीय राजकारण' असा जर येथे सुरू केला, तर त्या परिक्षेतील संभाव्य प्रश्न -
१. कोणत्याही निवडणुकीत कोणाच्या बाजूने कोण आहे आणि कोणाच्या विरूद्ध कोण आहे हे नेमके कसे ओळखाल ?

२. कोणत्याही निवडणुकीत वरवर कोणाच्या बाजूने राहून कोण प्रत्यक्षात कोणाच्या विरूद्ध आहे व वरवर पहाता कोणाच्या विरूद्ध राहलेले दिसत असतांना प्रत्यक्षपणे कोण बाजूने काम करत आहे, हे कसे माहीत करून घ्याल ?

३. कधीही पूर्ण करता न येणारी आश्वासने मतदारांना निवडणूकीपूर्वी देवून निवडून आल्यावर विरोधी पक्षांमुळे ती कशी पूर्ण करता येत नाही हे कसे सिद्ध करून दाखवाल ?

४. जगावेगळी आश्वासने कशी पूर्ण करता येतील, हे विरोधी पक्षात असतांना मतदारांना त्यांना मूर्ख बनवत आहोत हे समजू न देता कसे पटवाल ? तसेच सत्ताधारी पक्षात आल्यावर सोपी कामे करणे पण कसे अशक्य आहे, हे जनतेला कसे पटवाल ?

५. वेळोवेळी सत्तेच्या मागे लागून पक्षबदल केला तरी हा बदल तत्वासाठीच व जनतेच्या हितासाठीच केला आहे, त्यांत आपले कसलेही हित नसून आपले नुकसानच कसे होणार आहे हे जनतेच्या कसे गळी उतरवाल ?

६. आपण राजकारण अजिबात करत नसून समाजकारणासाठीच कसे आपले आयुष्य आहे, हे निवडणुकीला उभे असतानांच कसे समजवाल ?

७. निवडणुकीत आपण पडलो तरी चालेल किंवा समोरच्याला पाडण्यासाठीच उभे राहीले असतांना, त्याचा सुगावा लागू न देता प्रचार कसा कराल ?

८. निवडणुकीत पक्षाचे तिकीट मागतांना 'सक्षम उमेदवार' असल्याचे संबंधीत पक्षाकडे सिध्द करतांनाच आयकर खात्याकडे आपले उत्पन्न हे नियमाप्रमाणे फारच कमी आहे हे कसे दाखवाल ? हे करत असतांनाच, जनतेत आपण पैसे कमविण्यासाठी निवडणुकीला उभे रहात नसून जनतेची सेवा करण्यासाठी स्वत:ची पदरमोड करत आहोत, हा जनतेचा (गैर)समज कसा करून द्याल ?

17.2.2017