देशाचा स्वार्थ पहा

तुमच्याजवळ गडगंज संपत्ती असेल, अगदी सात पिढ्या काय सत्तर पिढ्या पुरतील एवढी पण असेल ! आम्हाला आमची रोजची सोय बघायची असते, ती तुम्ही नाही बघत आणि आम्ही बघीतली नाही, तर आम्ही उपाशी राहू, तुम्ही नाही !

गाड्या, दुकाने, घरदार पेटविण्या अगोदर आपण हे लक्षांत ठेवा, आपण गाडी पेटवून त्याची पोटासाठीची धडपड, गतीमानता संपवीत आहोत, त्याचे दुकान पेटवून त्याची रोजीरोटी मातीत कालवीत आहोत आणि त्याचे घर पेटवून त्याचे छप्पर उजाड करीत आहोत ! कोणाचा मृत्यू म्हणजे तर त्याच्या भविष्यावर पाणी फेकणे होय ! आपण त्याला काही देऊ शकत नाही हे निश्तित आहे, तर निदान त्याचेकडून हिसकावून तर घेऊ नका. तुमचे हे कृत्य सर्वांना समजेल, जरी लपून राहीले तरी लक्षांत ठेवा, त्या वरच्या जगन्नियंत्याला तर नक्कीच समजेल. त्याचा हिशोब तर सर्वानाच माहीत आहे, अजिबात चुकत नाही !

पण येथे हे पण लक्षांत ठेवा चिथावणीखोर, अपमानास्पद अशी भाषणे नियमीत कोण आणि कशासाठी करतात ? त्यांवर वेळीच कठोर उपाय योजले पाहीजेत. निवडणूकीतील फायद्याची गणितं बाजूला ठेवून ! ही तात्पुरती मलमपट्टी करण्यासारखे नाही तर कायमच्या उपायासाठी आहे. आपण कोणाच्याही सहनशीलतेची सत्वपरिक्षा पाहू नये.

आपण सर्व समजूतदार आहात पण आपला वैयक्तिक स्वार्थ बाजूला ठेवून आपल्या समाजाचा म्हणजे देशाचा स्वार्थ पहा, तुमचाच नाही तर सर्वच समाज तुम्हाला डोक्यावर घेईल ! सुरुवात तर करा !

3.1.2018