या (दुष्ट) अनुभवातून कोण कोण गेले आहे ? आपल्याजवळ पण असतील तर ते सांगा.

१. घरात शेंगदाणे खरपूस भाजले असतांना, ते दिसेल असे न ठेवता, त्याचा ताबडतोब कूट करून टाकणे.
२. चांगले ताक केल्यावर, ते कोणाला प्यायला मिळण्यापूर्वीच, त्याच दिवशी त्याची कढी करणे.
३. आपण आज काहीतरी मस्त खमंग खायला मिळेल, अशा सकाळी झालेल्या चर्चेच्या आशेवर, दुपारी पानावर बसावे, तर जेवायला पानांत भलतेच बेचव काही !
४. मस्त सिनेमाला जायचे ठरवून, तिकीटे काढलीत, तर घरातील सर्व आटोपता आटोपता, टाॅकीजमधे पोहोचेपर्यंत सिनेमा सुरू होऊन गेलेला. मग प्रेक्षकांच्या पायावर पाय देत किंवा त्याचे पाय चुकवत, आपल्या आसनावर स्थानापन्न होणे. —- जातांना किंवा येतांना, याबद्दल चकार शब्द न काढता, सर्व दोष आपलाच आहे, हे कबूल करत येणे.
५. लग्न समारंभात फोटो काढण्याचे वेळी, नेमके गुप्त झाल्याने फोटो काढण्याचे राहून जाणे. —— त्याचे बोल त्या लग्नातील जोडप्याच्या मुलाच्या लग्नापर्यंत ऐकावे लागणे.
६. साड्यांच्या दुकानांत गेल्यावर एखादी साडी घ्यायला नकार दिला किंवा घेता आली नाही, तर त्यामुळे किती प्रकारे, किती काळ नुकसान झाले आणि ते नुकसान आपल्यामुळेच कसे झाले, हे पटवून घेणे.

30.4.2019