काल व आजचा दिवस नागपूरला होतो.

काल व आजचा दिवस नागपूरला होतो. काम आटोपल्यावर जरा वेळ आहे, तर काही जणांना भेटायचे ठरवले होते. हा माझा नेहमीचा शिरस्ता ! काहींना आवडतो, काहींना आवडत नाही, काहींना विनाकारण वाटतो, तर काहींना आवश्यक वाटतो. मात्र कोणाला काही वाटले, तरी पूर्वीपासूनची माझी माणसं जमवण्याची, आणि ती टिकवून ठेवण्याचा, निदान आपल्याकडून प्रयत्न करण्याची सवय जडली आहे. असो.

काल मला इथं, फेसबुकवर भेटलेले, माझ्या व्यवसायातीलच व्यवसाय बंधू, श्री. अतुल सोनक यांना मी नागपूरला असल्याचे कळवले. त्यांनी ‘घरीच या’ म्हणून निमंत्रण दिले. कोणत्याही वकीलाला, दुसऱ्या वकीलाकडे गप्पागोष्टी करायला, जायचे असेल तर कसला संकोच वाटत नाही. त्यांच्याकडे गेलो, त्यांची भेट झाली. बऱ्यापैकी मनमोकळ्या गप्पा झाल्या. त्यांना माझे घरी औरंगाबादला येण्याचे निमंत्रण देऊन परत आलो.

‘फोटो काढायचाच का ?’ या त्यांच्या प्रश्नावर ‘काही काळजी करू नका, आपण जसे असतो, तसाच फोटो येतो’ हे उत्तर देत, फोटो काढला.

27.9.2019