आज पुणे विद्यापीठाचे माजी प्रकुलगुरू डाॅ. शं. ना. नवलगुंदकर यांचा जन्मदिन ! त्यांना नमस्कार आणि त्यांच्या दीर्घारूरोग्याची परमेश्वराजवळ प्रार्थना ! अत्यंत निगर्वी, प्रेमळ आणि त्यांच्या विषयासोबत, ज्योतिषशास्त्रात पण गती, असलेले व्यक्तीमत्व ! मी पुण्याला बऱ्यापैकी अधूनमधून जात असे, त्यावेळी त्यांच्याकडे शक्यतोवर एक फेरी असे. अलिकडे तसे जाणे कमी, आणि गेले तर धावपळीचे ! त्यामुळे विशेष असे कुठे जाणे होत नाही.

ते एकदा व्याख्यानानिमीत्ताने रावेर भागांत आले होते. त्यांना घरी बोलावले. जेवायच्या वेळी, माझी मुलगी हटली. ‘त्यांना मी जेवायला वाढणार !’ अडीच-तीन वर्षाच्या मुलीचे वाढणे ! डोळ्यांसमोर काय होईल, ते उभे राहिले. आम्ही तिला दूर करण्याचा प्रयत्न केला. ती ऐकेना. मग तेच म्हणाले - ‘माझी नात पण अशीच करते. वाढू द्या. मी खातो.’ मग तिच्या हाती एकेक पदार्थ थोडाथोडा सोपवत, ती वाढत होती, आणि सर जेवत होते.

आज इथं त्यांच्याबद्दल श्री. उपेंद्र चिंचोरे यांनी लिहीलेली पोस्ट वाचली, आणि सरकन त्यांच्या वीस-बावीस वर्षांपूर्वीच्या आठवणी डोळ्यांसमोर सरकून गेल्या. एक अगदी घरगुती, त्यांच्यातील प्रेमळपणा दाखवणारी आठवण !

27.9.2019