आताच एक सुंदर रचना ऐकली, ती आपल्यासाठी !

आताच एक सुंदर रचना ऐकली, ती आपल्यासाठी !

श्री. तेजस विंचूरकर - बासरी आणि सौ. मिताली तेजस विंचूरकर, यांची ही जुगलबंदी ! राग - देस !

तबल्यांत, ते साथीचे वाद्य असल्याने, तंतुवाद्य वा सुषिर वाद्य यांना साथसंगत करतांना, ‘लपेटना’ आणि ‘सवाल जबाब’ हे दोन प्रकार असतात.

‘लपेटना’ म्हणजे मुख्य वाद्याच्या बरोबरीने तबलावादक तसेच बोल वाजवतो, आणि मुख्य वादकाला किंचीत नामोहरम करण्याचा प्रयत्न करतो. ‘लपेटना’ हा प्रकार तुलनेने कठीण आहे, कारण मुख्य वादक काय वाजविणार, याची कल्पना असेल, तरच हे शक्य असते; किंवा तबलावादकाची प्रचंड तयारी असेल, आपल्या हातावर, बुद्धीवर आणि वादनाच्या लयीवर प्रचंड नियंत्रण असेल, तरच हे शक्य असते. नियमीत साथसंगत करणाऱ्या तबलावादकाला, मुख्य वादक एखादी गत, तुकडा, चक्करदार, तिय्या वाजवत असला, की लगेच अंदाज येतो, आणि त्या प्रमाणे तो वाजवतो.

‘सवाल जबाब’ यावरूनच आपल्याला याचा अर्थ समजला असेल. समोरचा मुख्य वादक जसा वाजवेल, तसे किंवा त्याप्रमाणेच वाजवून तबलावादक त्याला उत्तर देतो. यांत देखील प्रचंड तयारी, लयीवर कमालीचे नियंत्रण हवे असते. या कामी मुख्य वादक, काही वेळा जरा विचारपूर्वक अवघड लयकारी, कठीण गत वाजवून समोरच्या तबलावादकाच्या तयारीचा कस बघत असतो.

आपल्या सारख्या प्रेक्षकांना किंवा श्रोत्यांना काय ? दोघांचाही आनंद ते लुटत असतात !

https://www.facebook.com/mmbhokarikar/videos/2618272441562155/

14.10.2019