आकाशवाणी संगीत सभा आठवण

आकाशवाणी संगीत सभा आठवण

काल सायंकाळी झी पुरस्कार सोहळ्यात श्री. महेश काळे यांचे नाट्यगीत सुरू होते, घाईत असल्याने पूर्ण ऐकता आले नाही, पण अप्रतीम !

त्यावरून एक आठवण आली, ती पं. प्रभाकर कारेकर यांच्या आकाशवाणी जळगांव यांनी आयोजित केलेल्या संगीत सभेची ! साथीला तबल्यावर होते Jayant Naik ! त्यावेळी श्री. कारेकरांनी बहुतेक 'चंद्रिका ही जणू' हे नाट्यगीत म्हटले, छान म्हटले !

हे नाट्यगीत रूपक तालात आहे. मला हेच नाट्यगीत दादरा तालात देखील माहीत होते. मी ते ऐकलेले होते. बैठक चांगली रंगात आली होती. मी चिठ्ठी पाठवली आणि त्यांत त्यांना हेच नाट्यगीत 'दादरा' तालात म्हणण्याची विनंती केली होती. चिठ्ठी त्यांचेपर्यंच पोचली, त्यांनी वाचली ! वा ! 'इथे हे माहित आहे तर !' अशासारखे उद्गार काढले. त्याबाबत माहिती सांगीतली आणि तालाशी समर्थपणे खेळत ते नाट्यगीत म्हटले. श्री. जयंत नाईक हे आकाशवाणीचे 'अ' दर्जाचे तबलावादक आहेत, त्यांची अप्रतीम साथ ! श्रोत्यांना नविन काही ऐकल्याचे समाधान ! त्यावेळच्या श्रोत्यांत श्री. Vasant Damle साहेब होते !

ते नाट्यगीत महेश काळे यांचे जमले तर ऐकायला पाठवा.

११ एप्रिल २०१६