सेंट झेवियर मधील संगीत संमेलन
मुंबईला बहुतेक 'सेंट झेविअर कॉलेजमघ्ये' संगीत संमेलन होते, तीन दिवसांचे ! पं. भीमसेन जोशी यांनी गायलेला हिंडोल व भैरवी, विदुषी गंगूबाई हनगल यांनी गायलेला दुर्गा, पं. फिरोज दस्तूर यांचे 'गोपाला --', उस्ताद बिस्मील्लाखान यांनी सनईवर वाजवलेली 'तेरे सुर और मेरे गीत' याची धून ! श्रोतृवर्गात होते - पं. साई बँकर, अमोल पालेकर वगैरे !
सर्वात कळस झाला - पं. रविशंकर यांचे सतारवादन - साथीला तबल्यावर दोन्ही बाजूला पितापुत्र म्हणजे उस्ताद अल्लारखां आणि झाकिर हुसेन ! कल्पना करा ! त्याच दरम्यान बातमी आली की उस्ताद झाकिर हुसेन यांना भारत सरकारतर्फे पद्मपुरस्कार 'पद्मश्री' जाहीर झालेला आहे ! त्या आनंदात व श्रोत्यांच्या आग्रहाच्या प्रेमात उस्ताद झाकिर हुसेन यांची थरारक तबलासाथ त्याला मिळालेला उस्ताद अल्लारखां यांचा मजबूत वडिलधारा आधार आणि हे दोन्ही पितापुत्र चालले आहे ते पं. रविशंकर यांच्या दैवी सतारवादनासोबत ! सतारवादन लक्ष देवून ऐकावे का पितापुत्रांची तबलासाथ ऐकावी ? माझी अवस्था 'अनंतहस्ते कमलावराने घेता किती घेशील दो कराने' (कर्णाने) !
१७ एप्रिल २०१६
No comments:
Post a Comment